Filosofando coa ciencia: ciencia e tecnoloxía dende o punto de vista filosófico

viernes, 2 de octubre de 2009

ciencia e tecnoloxía dende o punto de vista filosófico

Este blog tratará sobre temas da actualidade que teña que ver coa ciencia...como por exemplo as enerxias,o cambio climático,etc, pero con un enfoque filosófico.
Hai xente que pensa que a filosofía non ten nada que ver coa tecnoloxía, está moi confundido,posto que filosofía, ciencia e tecnoloxía camiñan xuntas da mán....
En breves novas entradas neste blog,estade atentos!!

2 comentarios:

R8 de octubre de 2009, 13:02
Ola Lorena! Espero que escribas cousas interesantes no teu blog porque como che gusta tanto filosofar!
ResponderEliminar
Respuestas
tammy8 de octubre de 2009, 13:11
ola lOr3iNa!!si lorenita aqui e onde tes que escribir agora todas as túas teorias jejejej vemonos
ResponderEliminar
Respuestas

Añadir comentario

Suscribirse a: Enviar comentarios (Atom)

Candidatura española para albergar o telescopio xigante

O Ministerio de Ciencia e Innovación enviou ao Observatorio Europeo Austral (ESO, siglas en inglés) a súa candidatura oficial para albergar o futuro telescopio xigante E-ELT no observatorio astronómico do Roque dos Raparigos (A Palma). Chile, onde están instalados todos os telescopios do ESO, xa presentou fai unhas semanas a súa candidatura correspondente.

A oferta económica española, asegura o ministerio, é "altamente competitiva", concretándose en 300 millóns de euros en especie, é dicir, en equipos e instalacións. O custo do telescopio (con espello principal composto e un tamaño total de 42 metros de diámetro) estímase nuns mil millóns de euros. Pero ás condicións económicas das candidaturas sumaranse os factores técnicos e científicos determinantes á hora de elixir o emprazamento do futuro observatorio.

O ESO decidirá proximamente unha localización de referencia para poder terminar o proxecto técnico do E-ELT, aínda que a decisión final de aprobación do proxecto tardará varios meses aínda.

A candidatura chilena céntrase na localización de Cerro Armazones (no Norte de Chile) para a instalación do telescopio xigante. É un lugar próximo a Cerro Paranal, onde está o conxunto de telescopios VLT, do ESO. Á decisión estratéxica que debe tomar a institución europea para a súa futura gran instalación non é allea a elección que xa se tomou en Estados Unidos de situar o telescopio equivalente, de 30 metros, en Hawai, é dicir, no hemisferio Norte.

OMS:

A Organización Mundial da Saúde (OMS) decidiu manter "durante varias semanas" o actual nivel de alerta ante a nova gripe. Este sitúase no que se definiu como "post-pico" (post peak en inglés), porque a maior incidencia deste inverno xa pasou, pero o virus non desapareceu. Así o explicou onte Keiji Fukuda, máximo responsable do organismo neste asunto, e confirmouno unha nota da OMS atribuída á súa directora, Margaret Chan.
A organización mantén este estado (o intermedio entre o de pandemia e o seu fin), entre outras cousas, porque aínda que en América do Norte e Europa occidental a incidencia da gripe -sexa do virus que sexa- é máis baixa que a normal nestas datas, hai un aumento de casos en África occidental, e un mantemento da incidencia no leste de Europa e Asia central. Ademais, os expertos do Comité de Urxencia -que son os que asesoran á OMS- alertaron logo dunha reunión mantida o martes, de que a situación no hemisferio sur é incerta. Aí están agora no verán, e espérase unha nova onda de gripe.
Con estas dúas razóns, a OMS mantén as súas recomendacións: non prohibir as viaxes, aínda que si aconsellar aos enfermos que non se despracen, e estar atentos ante aumentos de casos de pneumonía.

Para o 2050...

O planeta debería polo menos reducir á metade as emisións contaminantes cara a 2050, segundo un dos principais borradores das negociacións do Cume Mundial sobre o Clima de Copenhague.
O texto, proposto por Michael Zammit Cutajar, sostén que os países desenvolvidos deberían asumir o liderado na loita contra o arrequecemento aplicando grandes recortes nas emisións de CO2 en 2020 e 2050.
O documento ofrece un abanico de recortes que de 50, 85 e 95% para 2050, para que os líderes mundiais decidan o acordo no cume final do próximo 18 de decembro.
"As partes deberían reducir colectivamente as emisións globais polo menos nun (50/85/95%) respecto dos niveis de 1990 cara a 2050, e deberían asegurar a redución continuada das emisións a partir de entón", segundo consigna o texto.

Os móbiles...

Un medo profundamente instalado foi rebatido por un estudo danés: os teléfonos móbiles non favorecen a aparición de tumores cerebrais. O Danish Cancer Society realizou un estudo sobre máis de 59.000 persoas que foron diagnosticadas con cancro cerebral entre 1974 e 2003. Sobre unha mostra de 16 millóns de aultos de 20 a 79 anos de idade.
O estudo demostra que as porcentaxes da enfermidade non aumentaron tras a introdución dos teléfonos móbiles. Aínda que os autores do traballo admiten que deben proseguir as investigacións, no traballo aseguran que non identificaron ningún mecanismo que poida permitir afirmar que os campos electromagnéticos emitidos desde un móbil son un factor de risco.
A única cautela que introducen nas súas conclusións débese a que este tipo de tumores desenvólvense nun prazo longo de tempo, preto de 10 anos, polo que se necesitarán estudos sobre períodos posteriores para confirmar estes primeiros datos.
O estudo publícao o Journal of the National Cancer Institute e céntrase en dous tipos de tumores, os chamados gliomas, que presentaron un crecemento do 0,5% por ano entre homes e un 0,2%, entre mulleres.
No caso dos meningiomas a cociente de crecemento foi do 0,8% entre homes nos anos noventa e do 3,8% nas mulleres

o clima, un dos problemas que preocupa aos cidadáns

O cambio climático é, tras as pobreza, o problema que máis preocupa a españois e europeos, segundo unha enquisa difundida onte pola Comisión Europea a catro días do comezo do cume de Copenhague. O 40% dos enquisados en España consideraron o arrequecemento global como «o problema máis serio que afronta o mundo», fronte ao 76% que sinalaron a pobreza (incluída a falta de alimentos e de auga potable). No conxunto da UE, repítese o esquema español cun 47% da poboación principalmente preocupada polo clima e un 69% pola pobreza. «A mensaxe dos cidadáns europeos é claro: a loita contra o cambio climático debe seguir sendo unha prioridade da Unión Europea», opinou a vicepresidenta do Executivo comunitario, Margot Wallström. Con todo, a evolución entre outra enquisa sobre a cuestión realizada en febreiro e este último eurobarómetro reflexa unha perda de interese (de entre 3 e 4 puntos porcentuais) polo clima en favor da pobreza. Ademais, o 26% dos españois e o 29% dos europeos consideraron que a seriedade do cambio climático foi esaxerada.

Novo Oceano no deserto de Etiopía

No 2005, unha fisura xigantesca de case 60 km de longo irrumpiu no chan desértico da rexión de Afar, Etiopía. Naquel momento, algúns xeólogos creron que a fisura era o primeiro paso da formación dun novo océano, o cal iría crecendo a medida que as seccioóns do continente africano a ambos lados da brecha se foran separando máis e máis, pero a hipótese recibiuse con bastante escepticismo. Agora, científicos de varios países confirmaron que os procesos valcánicos que operan baixo a gran fisura etíope son case idénticos aos do fondo dos océanos, e que a fisura probablemente sexa o comezo da formación dun novo océano.

Filosofando coa ciencia

viernes, 2 de octubre de 2009

ciencia e tecnoloxía dende o punto de vista filosófico

2 comentarios:

Candidatura española para albergar o telescopio xigante

Cambio climático

Amigos

OMS:

Para o 2050...

Os móbiles...

A choiva non é a solución...pero...

o clima, un dos problemas que preocupa aos cidadáns

traductor

Ten razón Platón cando afirma a existencia de dous mundos paralelos?

novo océano

Novo Oceano no deserto de Etiopía

Que vos pareceu Agora?

Seguidores

Archivo del blog

Datos personales